Paggamit Ng Information Communications Technology (ICT) Sa Pagkatuto Ng Panitikang Asyano

Abstract

Ang pag-aaral na ito ay nakatuon sa Paggamit ng Information Communications Technology (ICT) sa Pagkatuto ng Panitikang Asyano. Layunin nito na matukoy ang antas ng pangangailangan ng mga guro sa paggamit ng ICT sa mga paksa ng Panitikang Asyano, matukoy ang angkop na kagamitang ICT-Based na mabubuo sa mga paksang pinakanangangailangan ng paggamit ng ICT at matukoy ang antas ng balidasyon ng mga nabuong kagamitang ICT-based na makatutulong sa pagtuturo ng Panitikang Asyano.

Bilang resulta ng pag-aaral, lumabas na halos lahat ng paksa sa Panitikang Asyano ay may mataas na antas ng pangangailangan ng paggamit ng ICT at nangangailangan ng ICT-Based na kagamitang pampagkatuto na magagamit sa pagtuturo. Ang angkop na kagamitang ICT-Based na maaaring gamitin sa pagtuturo ng Panitikang Asyano ay mga interaktibong kagamitan na binubuo ng mga elemento ng multimedia. Samantala, ang paggamit ng mga binuong kagamitang ICT-Based ay katanggap-tanggap sa mga ebalweytor.