Pagtuturo ng Asignaturang Pagbasa at Pagsusuri ng Teksto sa mga Senior High School sa Sangay na Lunsod Batangas

Abstract

May kabuoang 105 na mga guro na nagtuturo sa asignaturang Filipino na nagsilbing kalahok sa pag-aaral mula sa Sangay ng Lunsod Batangas. Inalam ang mga suliranin, estratehiya na ginagamit ng guro.

               Ang pag-aaral ay gumamit ng estadistikang bilang at bahagdan, weighted mean, pearson’s r coefficient of correlation, composite mean at konsiderasyong etikal.  

 Lumabas sa resulta ng lebel sa kahusayan sa pagtuturo ng pagbasa at pagsusuri ng teksto ang layunin, nilalaman, gawaing pangklase, at pagtataya ay lubos na natatalakay. Hangganan ng paggamit ng mga estratehiya sa pagtuturo ng pagbasa at pasusuri ng mga teksto ang tanong-sagot, graphic organizer, talakayan at think-pair-share ay lubos na ginagamit. Lumabas na sa resulta mula sa 10 suliranin ng mga guro ay talo ang may berbal na interpretasyon na nararanasan samantalang 7 ang bahagyang nararanasan ng mga guro. Pagbuo ng gawaing pagsasanay sa pagtuturo ng pagbasa at pagsusuri isinaalang-alang ang mga naging resulta sa pag-aaral. Ang apat na estratehiyang ginagamit ng guro ay siyang binigyang-pansin at mga suliraning nararanasan ng guro sa pagtuturo.

Napatunayan na ang pagtuturo ng pagbasa at pagsusuri ay nangangailangan ng lubos na kahusayan ng guro sa pagtuturo para sa epektibong pagkatuto ng mga mag-aaral sa araling itinuturo. Lubos na ginagamit ang hanggan ng estratehiya sa pagtuturo. Nagpakita ng may signipikanteng ugnayan sa pagitan ng kahusayan sa pagtuturo ayon sa layunin at ng hanggan ng paggamit ng mga estratehiya sa Pagtuturo ng Pagbasa at Pagsusuri ng Teksto. Ang kawalan ng interes ng mga mag-aaral sa pagbabasa ng mahahabang teksto na nagiging sanhi ng di epektibong pagkatuto ng mga mag-aaral, kakulangan ng mga pasilidad Ang pagbuo ng mga gawaing pagsasanay ay makatutulong sa pagkatuto ng mga mag-aaral.